أيوه انت
بس استنى ما تزعلش
خلاص يا سيدى ...أكيد انت متميز وفريد ورائع
انا : قولى حسيت بأيه اول مرة ؟
انت : حسيت ان انت اللى أهبل مش كده بس انت دمك تقيل ورزل
انا : طيب حسيت بأيه تانى مرة ؟
انت : حسيت ان ده أفضل شوية ، بس برده انت غلس
دلوقتى انت لاحظت حاجة مهمة جداً ان الكلمات ليها تأثير عليك ، ممكن تبدل حالتك فى لحظة واحدة . شفت ازاى ممكن الكلمة تحول مشاعرك وتبدلها من حالة لحالة ، ممكن تكون مبسوط جداً وبعدين تسمع كلمة من واحد ليه لازمة او مالوش تلاقى نفسك متغاظ جداً ، هو ايه اللى بيحولنا كده وبالسرعة دى ؟
الاجابة ... الكلمات
تخيل كده ان الكلمة عبارة عن القشرة بتاعة الرمان مش ممكن تلاقى القشرة بتاعة الرمان إلا وهتلاقى الرمان جواها ، مجرد انك تفتح القشرة بتاعة الرمان تلاقى الرمان على طول مستنيك ، الكلمة زى كده تمام هى عبارة عن قشرة وجوه الكلمة هتلاقى معنى ومشاعر وتجارب مرتبطة بالقشرة مجرد انك تسمع الكلمة تلاقى مشاعرها وعواطفها تجاربها ومعانيها لزقت فيك .
خلى بالك مش بس الكلام اللى انت بتسمعه ،ده كمان الكلام اللى انت بتقوله ، لو انت دايما بتقول انا تعبت من اللى انا فيه هتلاقى التعب لزق فيك ومش عاوز يسيبك ، وبقيت اصحاب بمعنى الكلمة .
دلوقتى عاوزك تجرب معاى حاجة علشان تتأكد ان تغيير بسيط ممكن يعمل تغيير كبير فى حياتك
لما حد يقولك انت عامل ايه ؟
رد بكل قوة وقول انا مستمتع بحياتى وانت
وقولى ايه النتيجة ضرورى
مستنى اعرف ايه اللى حصل
ليست هناك تعليقات:
إرسال تعليق